ავტომობილების იმპორტის 2 კვარტლის მონაცემები

პირველი ორი კვარტლის დასრულების შემდეგ უკვე შესაძლებელია შევაფასოთ, როგორი იყო ავტომობილების იმპორტი საქართველოში წლის პირველ ნახევარში. წარმოგიდგენთ ძირითად სტატისტიკასა და მთავარ ტენდენციებს.

მიმდინარე წლის იანვარ-ივნისში საქართველოში იმპორტირებული მსუბუქი ავტომობილების საერთო ღირებულებამ 1,61 მილიარდი დოლარი შეადგინა, რაოდენობამ კი 100 616. რეკორდული მაჩვენებელი თანხისა და რაოდენობის მიხედვით მარტის თვეში დაფიქსირდა - საზღვარზე 311 მილიონი დოლარის ღირებულების 20 016 ავტომობილი შემოვიდა.

2026 წლის პირველი 2 კვარტლის მონაცემებით, საქართველოში მსუბუქი  ავტომობილების მთავარ იმპორტიორ ქვეყნად კვლავ ამერიკის შეერთებული შტატები რჩება. წელს ამ პერიოდში აშშ-დან დაახლოებით 917 მილიონი დოლარის ღირებულების მსუბუქი ავტომობილები შემოიყვანეს. ქვეყნების მიხედვით ავტომობილების იმპორტის სტატისტიკა ასე გამოიყურება:

აშშ-დან - 917 მილიონი დოლარის ღირებულების 76 936 ავტომობილი;

იაპონიიდან - 217 მილიონი დოლარის ღირებულების 10 006 ავტომობილი;

გერმანიიდან - 207 მილიონი დოლარის ღირებულების 2 457 ავტომობილი;

გაერთიანებული სამეფოდან - 49 მილიონი დოლარის ღირებულების 433 ავტომობილი;

ჩინეთიდან - 38 მილიონი დოლარის ღირებულების 4 185 ავტომობილი.

ყველაზე ძვირადღირებული ავტომობილები იტალიიდან და ინგლისიდან შემოვიდა. მაგალითისთვის, იტალიიდან შემოსული 1 ავტომობილის საშუალო ღირებულება 161 000 დოლარამდეა, ბრიტანეთიდან კი - 113 000 დოლარამდე.

პირველი ორი კვარტლის მონაცემები მნიშვნელოვან ინფორმაციას გვაძლევს ავტომობილების იმპორტის მიმართულებებისა და ბაზარზე არსებული ტენდენციების შესახებ. წლის დარჩენილი პერიოდის მონაცემების მიღების შემდეგ კი საერთო სურათის დანახვასაც შევძლებთ.