İlin ən yaxşı avtomobili uğrunda yarışan modellər

World Car Awards 2026-nın finalçı siyahısı artıq məlumdur. 33 ölkədən 98 aparıcı avtomobil jurnalistindən ibarət münsiflər heyəti hər kateqoriya üzrə ilk üçlüyü müəyyən edib.

Mükafatlandırma mərasimi ənənəvi olaraq New York International Auto Show-da keçiriləcək və qaliblər 1 aprel 2026-cı ildə elan olunacaq.

Top 3 | 2026-cı ilin ən yaxşı avtomobili

Əsas mükafat uğrunda aşağıdakı modellər yarışacaq:
BMW iX3 (yeni nəsil elektrik SUV), Hyundai Palisade (lüks üç sıra krossover) və Nissan Leaf (daha əlçatan elektrik avtomobili).
Ötən ilin qalibi Kia EV3 olmuşdur.

Top 3 | 2026-cı ilin ən yaxşı elektrik avtomobili

BMW iX3 bu kateqoriyada da yer alır. Onun rəqibləri Mercedes-Benz CLA və Nissan Leaf-dir.

Top 3 | 2026-cı ilin ən yaxşı lüks avtomobilləri

Bu il maraqlı olaraq bu kateqoriyada alman avtomobilləri yoxdur. Finalçılar: Lucid Gravity, Cadillac Vistiq və Volvo ES90.

Top 3 | 2026-cı ilin ən yaxşı performans avtomobilləri

Bu kateqoriyada benzin, hibrid və elektrik güc qurğuları təmsil olunur:
BMW M2 CS – benzin
Chevrolet Corvette E-Ray - hibrid
Hyundai IONIQ 6 N - elektrik

Top 3 | 2026-cı ilin ən yaxşı şəhər avtomobilləri

Finalçılar arasında iki Çin modeli var: Baojun Yep Plus və NIO Firefly EV. Hyundai Venue də siyahıdadır.

Top 3 | 2026-cı ilin ən yaxşı avtomobil dizaynı

Bu kateqoriyada Kia PV5 (van), Mazda EZ-6 və Volvo ES90 yarışır.

World Car Awards 2003-cü ildə təsis olunub. Rekord Audi-yə (11 mükafat), ikinci yer isə Mercedes-Benz-ə (9 mükafat) məxsusdur.