Google-da ən çox hansı avtomobil markaları axtarılır?

Avtomobil markalarına maraq daim dəyişir və axtarış sistemlərinin məlumatları hansı istehsalçıların insanların diqqətini daha çox cəlb etdiyini aydın şəkildə göstərir. Google Trends-in son hesabatlarına əsasən, rəqəmsal axtarış statistikası dünyada ən çox maraq göstərilən avtomobil markalarını ortaya qoyur.

Bu ilin göstəricilərinə əsasən, qlobal axtarış reytinqlərində üç marka açıq şəkildə üstünlük təşkil edir.

Toyota dünyanın ən çox axtarılan avtomobil markası olaraq qalır. Baxmayaraq ki, onun axtarış həcmi 2022-ci ildən etibarən tədricən azalır, Yapon istehsalçısı hələ də 57 ölkədə, xüsusilə Afrika, Asiya və Cənubi Amerikada lider mövqeyini qoruyur.

Toyota-nı BMW yaxından izləyir. Alman avtomobil istehsalçısı son illərdə qlobal mövqeyini uğurla gücləndirib və hazırda Mərkəzi və Şərqi Avropada axtarış reytinqlərinə liderlik nedir. BMW Toyota-dan cəmi bir neçə ölkə geridə qalır.

Bəs Tesla? Bütün avtomobil kateqoriyaları üzrə Tesla ümumi reytinqdə üçüncü yerdə qərarlaşır və eyni zamanda dünyanın ən çox axtarilan elektrik avtomobili markasıdır. Şirkət ABŞ və Çin kimi ən böyük avtomobil bazarlarında lider mövqeyə malikdir.

Bu üç marka qlobal axtaris reytinqlərində üstünlüğünü qorusa da, onlayn maraq baxımından ən sürətlə yüksələn markalar Çinin BYD və Almaniyanın Mercedes-Benz şirkətləridir.

BYD-nin münasib qiymətə təqdim etdiyi və texnoloji cəhətdən inkişaf etmiş elektrik avtomobilləri istehlakçıların diqqət mərkəzinə çevrilib. Eyni zamanda, Mercedes-Benz əvvəlki illərlə müqayisədə mövqeyini əhəmiyyətli dərəcədə möhkəmləndirib.

Electric və hibrid avtomobillərə global tələbat sabit şəkildə artmaqda davam edir. Bu tendensiya artıq bir neçə ildir davam edir və göstərir ki, qarşıdakı illərdə Çin və Avropa elektrik avtomobil istehsalçıları arasında rəqabət həm bazarda, həm də axtarış reytinqlərində daha da güclənəcək.

Müasir istehlakçılar getdikcə iki əsas prioritet arasında seçim edirlər: bir tərəfdə praktik istifadə və qabaqcıl texnologiyalar, digər tərəfdə isə premium keyfiyyət, emosional dəyər və tanınmış avtomobil markasının nüfuzu.